މޯލްޑިވްސް ޙައްޖު ކޯޕަރޭޝަން ލިމިޓެޑް
މޯލްޑިވްސް ޙައްޖު ކޯޕަރޭޝަން ލިމިޓެޑަކީ 2013 ވަނަ އަހަރު ރަޢީސުލް ޖުމްހޫރިއްޔާގެ ޤަރާރަކުން އުފައްދަވާފައިވާ ސައްތައިން ސައްތަ ދިވެހި ސަރުކާރު ހިއްސާވާ ކުންފުންޏެކެވެ. މިކުންފުނީގެ މައިގަނޑު އަމާޒަކީ ޙައްޖާއި ޢުމްރާއަށް ދާން ގަސްތުކުރާ ދިވެހި ރައްޔިތުންނަށް ރަނގަޅު ފެންވަރެއްގައި ލުއި ފަސޭހަކަމާއި އެކު މި މަތިވެރިއަޅުކަން އަދާކުރެވޭނެ އިންތިޒާމު ހަމަޖައްސައިދީ، ޙައްޖު އަދި ޢުމްރާގެ އަޅުކަން އަދާކުރުމުގެ ގަސްތުގައި ދުރާލައިރާވަިގެން ރައްކާކުރާ ފައިސާ އަމާނާތްތެރިކަމާއެކު ބަލަހައްޓާނެ އިތުބާރުހުރި ނިޒާމެއް ޤާއިމުކުރުމެވެ.
އަޅުގަނޑުމެންގެ ޓީމް
ކުންފުނީގެ އުސްއަލިތަށް
2025
މައްކާ ރޫޓު އިނީޝިއޭޓިވްގައި ދިވެހި ރާއްޖެ ހިމެނުން
ވިސާ އަދި އިމިގްރޭޝަންގެ ކަންކަން ރާއްޖޭގެ އެއާރޕޯޓުން ފުރިހަމަ ކޮށް، މި އިނީޝިއޭޓިވްގެ ދަށުން
2024
ޙައްޖު ކޯޕަރޭޝަންގެ އައު އިމާރާތުގެ ބިންގާ އެޅުން
2021
ޢުމްރާ ވިސާ އެޖެންޓެއްގެ ގޮތުގައި ރަޖިސްޓަރވުން
ޢުމްރާގެ ޚަރަދު ކުޑަކޮށް، ކުންފިނިން ފޯރުކޮށްދޭ ޢުމްރާގެ ޚިދުމަތްތަށް އިތުރަށް ހަރުދަނާކުރުމަށް ޢުމްރާ ވިސާ އެޖެންޓެއްގެ ގޮތުގައި ރަޖިސްޓްރީވެ، ޢުމްރާ ވިސާގެ ޚިދުމަތް ފޯރުކޮށްދޭން ފެށުނެވެ.
2019
‘ކޯޕަރޭޓް މެންބަރޝިޕް ސްކީމް’ އިފްތިތާޙް ކުރުން
ކުންފުނިތަކުގެ މުއައްޒަފުން ހައްޖަށް ފޮނުވުމުގައި ފަސޭހަ އިންތިޒާމެއް ހަމަޖެއްސުމަށްޓަކައި ”ކޯޕަރޭޓް މެމްބަރޝިޕް ސްކީމް” އިފްތިތާހު ކުރެވުނެވެ.
2019
އުމުރުން ދުވަސްވީ ފަރާތްތަކާއި ބޮޑެތި ބަލިތައް ތަހައްމަލުކުރަމުންދާ ފަރާތްތަކައް އިސްކަންދިނުން
އުމުރުން ދުވަސްވީ ފަރާތްތަކާއި ބޮޑެތި ބަލިތައް ތަހައްމަލުކުރަމުންދާ ފަރާތްތަކައް އިސްކަންދިނުމުގެގޮތުން ޙައްޖު ކޯޓާގެ 10% އަދި 5% ޚާއްސަކުރެވުނެވެ.
2019
މޯލްޑިވްސް ޕެންޝަން އެޑްމިނިސްޓްރޭޝަން އޮފީހާއިއެކު ސޮއިކުރެވުން
މޯލްޑިވްސް ރިޓަޔަރމެންޓް ޕެންޝަން ސްކީމުން ފަރުޟު ހައްޖުގެ އަގުގެ ބައެއް އަދާކުރުމަށް ފައިސާ ދޫކުރުމާއި ގުޅޭ ފަހުމުނާމާ ގައި މޯލްޑިވްސް ޕެންޝަން އެޑްމިނިސްޓްރޭޝަން އޮފީހާއިއެކު ސޮއިކުރެވުނެވެ.
ސިއްޙީ އިންތިޒާމުތަށް ހަމަޖެއްސުމާއިގުޅޭ ފަހުމުނާމާގައި ސޮއިކުރެވުން
ޙައްޖާއި އުމްރާގެ ދަތުރުތަކުގެ ސިއްޙީ އިންތިޒާމުތަށް ހަމަޖެއްސުމާއިގުޅޭ ފަހުމުނާމާގައި އައި.ޖީ.އެމް ހޮސްޕިޓަލާއިއެކު ސޮއިކުރެވުނެވެ.
2017
ފަހެލި ޕޯޓަލް އިފްތިތާހު ކުރުން
ލުއިފަސޭހަ ކަމާއެކު އޮންލައިންކޮށް ކުންފުނީގެ ޚިދުމަތް ފޯރުކޮށްދިނުމަށް ފަހެލި ޕޯޓަލް އިފްތިތާހު ކުރެވުނެވެ.
2014
ފުރަތަމަ ޙައްޖު
1435 ވަނަ އަހަރުގެ ޙައްޖު ދަތުރާއި އެކު ކުންފުނީގެ ޙައްޖު ދަތުރުތައް ފެށިގެންދިޔައެވެ.
2014
ފުރަތަމަ ޢުމްރާ
1435 ވަނަ އަހަރުގެ ރަމަޟާން މަހުގެ ޢުމްރާ ދަތުރާއި އެކު ކުންފުނީގެ ޢުމްރާ ދަތުރުތައް ފެށިގެންދިޔައެވެ.
2014
ޙައްޖު ކޯޕަރޭޝަންގެ އޮފީސް ޤާއިމްކުރުން
މޯލްޑިވްސް ޙައްޖު ކޯޕަރޭޝަން ލިމިޓެޑްގެ އޮފީސް ގާއިމުކުރެވުނެވެ.
2013
މޯލްޑިވްސް ޙައްޖު ކޯޕަރޭޝަން ލިމިޓެޑް އުފެއްދުން
ރައީސުލް ޖުމްހޫރިއްޔާގެ ގަރާރަކުން މޯލްޑިވްސް ޙައްޖު ކޯޕަރޭޝަން ލިމިޓެޑް އުފެދުނެވެ