ބޯޑު މެންބަރުން

މޯލްޑިވްސް ޙައްޖު ކޯޕަރޭޝަންގެ ބޯޑުގެ ޗެއާމަންގެ މަޤާމަށް އައްޝައިޚް މުޙައްމަދު ރަޝީދު އިބްރާހީމް ޢައްޔަން ކޮށްފައިވަނީ 9 މެއި 2024 ގައެވެ. އައްޝައިޚް މުޙައްމަދު ރަޝީދު އިބްރާހީމަކީ ޙައްޖާއި ޢުމްރާއަށް މީހުން ގެންދިއުމުގެ މަސައްކަތުގައި 46 އަހަރުގެ ތަޖުރިބާހުރި އަދި  ތަޢުލީމީ ދާއިރާއަށް ޚިދުމަތްކުރުމުގައި 35 އަހަރަށްވުރެ ގިނަ ދުވަސް ހޭދަކޮށްފައިވާ ބޭފުޅެކެވެ.

ވަޒީފާގެ ދާއިރާއަށް ބަލާއިރު، މި ކޯޕަރޭޝަންގެ ބޯޑުގެ ޗެއާމަންގެ މަޤާމު މީގެ ކުރިން ދެ ދައުރެއްގައި އަދާކޮށްފައިވާއިރު އައްޝައިޚް  މުޙައްމަދު ރަޝީދު އިބްރާހީމް ވަނީ މި ކޯޕަރޭޝަންގެ ޙައްޖު އެންޑް ޢުމްރާ އޮޕަރޭޝަންސް މެނޭޖަރގެ މަޤާމުގައިވެސް މީގެ ކުރިން ގިނަގުނަ ޚިދުމަތްތަކެއް ކޮށްދެއްވާފައެވެ. އަދި މީގެ އިތުރުން، އަލްމަދަރުސަތުލް ޢަރަބިއްޔަތުލް އިސްލާމިއްޔާގެ މުދީރުގެ މަޤާމާއި، އިސްލާމިކް މިނިސްޓްރީގެ ޑެޕިއުޓީ މިނިސްޓަރުކަމުގެ މަޤާމުވެސް އަދާކޮށްފައިވެއެވެ.

. މަދީނާގެ އިސްލާމިކް ޔުނިވާސިޓީން ތަޢުލީމީ ދަތުރު ފެއްޓެވި އިރު، އަރަބި ބަހާއި ބަހުގެ ފަންނުތަކުން ފުރަތަމަ ޑިގްރީ އެ ޔުނިވާސިޓީން ވަނީ ޙާޞިލްކޮށްފައެވެ. ޝަރީއަތުގެ ދާއިރާއިން މާސްޓާސް ޑިގްރީ ޙާޞިލް ކުރެއްވުމަށްފަހު މިހާރު ދަނީ ފިޤްހު އަދި އުޞޫލުލް ފިޤްހުގެ ރޮނގުން ޕީ.އެޗް.ޑީއަށް ކިޔަވާ ވިދާޅުވަމުންނެވެ.